MEIRÁS: PAZO DO SANTO GUERREIRO.

__________________________________________________________________________________



Os do pazo, os do pazo…
Os do pazo pacen ben:
Antes, porque manda Franco;
Hoxe, sen Franco, tamén.

Polo si ou polo non,
¡quirieleisón !

Despois de domar España,
Faltáballe ennoblecer
Nun pazo de gran prosapia,
Con divisa de cuartel.

Polo si ou polo non,
¡quirieleisón!

E a par de guerreiro, santo;
Pois el santo quixo ser,
Nas igrexas, venerado,
San Francisco Franco. ¡Amén!

Polo si ou polo non,
¡quirieleisón!

Os do pazo, os do pazo…
Os do pazo xa vos ven,
Coma entón, axeonllados,
Nas capelas do PePé.

Polo si ou polo non,
¡quirieleisón!

Os do pazo, os do pazo…
Os do pazo pacen ben:
Antes, porque manda Franco;
Hoxe, sen Franco, tamén.

Polo si ou polo non,
¡quirieleisón!

(12/09/07)

QUEN TE QUECERÁ, MENIÑO?

(Belén con pezas dos séculos XVII ao XX , en Santa Clara de Zafra, Badaxoz)

  Se o Neno Xesús nacese,
decembro, na madrugada,
dádelle albricias ao vento,
pregoeiro a pregoalas...
Se o Neno Xesús nacese...

  -Meu coitado, meu meniño!,
quen te quecerá nas pallas?


  Se o vento dá a Boa Nova
e os pastores a escoitaran,
se os Magos, cos seus presentes,
o adoran e o agasallan...
Se o Neno Xesús nacese...

  -Meu coitado, meu meniño!,
quen te quecerá nas pallas?


  Se o Neno Xesús nacese,
folerpa de neve, branca,
branca sobre branco berce
e sobre o brancor, xeada...
Se o Neno Xesús nacese...

  -Meu coitado, meu meniño!,
quen te quecerá nas pallas?


  Se a folerpiña de neve
devén divina ao pousala,
transmutada no Meniño,
se os anxos cantan e o gardan...
Se o Neno Xesús nacese...

  -Meu coitado, meu meniño!,
quen te quecerá nas pallas?


  Anxos, Pastores e Magos,
Eles saberán quentalo?

  -Ou mula..., ou boi -contra vento..!-,
co voso alento alentado!


    (Rioderradeiro, 1-01-05)

o puñal.

_______

(Comentario a unha imaxe cómica dun delfín sulcando o mar na compaña dunha vaca)

___________


Un delfín quixo ser touro...,

E comenzou a labrar:

Sulcou o mar como as leiras

No tempo de sementar.




Ao delfín quixo ser touro...

Faltaballe ...-¡non o puido remediar!-

Aquilo que os touros gardan

Na vaíña..., ¡cal puñal..!


(VIGO, 10-3-06)
_________________________________

É TEMPO DE COLLEITAR.

_______________


¡FÓRA DA ROSA AS ESPIÑAS!
________________________




_____________




É tempo de rexeitar

Sombras de arelas e espiñas

Que o devalo da marea

Pousou na mallante, enriba.



É hora de peneirar

A moenda das espigas:

Meter nun saco o farelo

E neste saco, a fariña.



¡ Peneirar e peneirar..!

Co fío das nosas vidas,

Ir tecendo e destecendo

Teas de arelas e espigas.


É tempo de colleitar

Os froitos, coas súas pebidas;

Libera-las novas xeiras

Doutras sementes cautivas...



Que o devalo da marea

Pousou na mallante, enriba...


Meter nun saco o farelo

E neste saco, a fariña...



Ir tecendo e destecendo

Teas de arelas e espigas...



Libera- las novas xeiras

Doutras sementes cautivas...



Xa é hora de proclamar:

-¡Fóra da rosa as espiñas!



(Muros, 17-o8-o5, tralo gratificante reencontro do día 12, cos “irmáns herbonenses”, en Salamanca)


__________________________________

A RAÍÑA "NA EIROA".

O L I M P I A D A,

Vive, empanado, un vighés,

No Calvario, onda a Dobrada,

No seu cerebro, enquistada,

Presa do facho chinés,

Do dereito e do revés,

Por queimazón, a almorrana,

Reghalo do Corte Inglés

A final de temporada,

Por animar a Olimpiada

“Optimamente” outra vez.

__________________

FLOR DE “SALES”: UN SALIÑO….

( O "Sales" escolleu un camiño "artístico" distinto ao que predica a ponte. Aproveitou, iso si, un rato que por alí pasaba, para correr tras del ata o furado )
__________________________
FLOR DE "SALES": UN SALIÑO.
___________________________


Boina-rato, rabo ou timo,

Coello na coelleira,

Caghalla na caghalleira,

-¡Nunca rosa nin roseira!-;

Aperta arnal do ladrillo,

Baghazo que negha amighos,

Refughallo das lareiras,

Impostor da primavera;

Os pés chantados no EURíbOr,

Flor de Sales: un saliño

Gran salvador da lamprea,

Da auga que quer ser viño

Nas cubas de “Pata Neghra”

Co seu nome e os apelidos.

_____________

O RATO DO CALVARIO.

Boina neghra no papel:

Rato vello, rabo fino

-Contra corrente, cordel

Da luz que lle deu sentido…


Se é no Calvario, Rapel,

Cabeza de ghran de millo:

Boina-rato, ¿rato ou Timo

Debuxados nun mantel?

_______________

ARTIFICIO CHINÉS.

O lume naceu preñado:

Leva no celme o seu ser,

Multiplicando embarazos

Polo bico, polo abrazo…,

Porque se lle arrime alguén.


O lume naceu descalzo:

¡Coitado, nin corpo tén!

Se dorme, podes gardalo

Na pel do misto, arroupalo

Polo artificio chinés.

_____________

PLAN RENOVE

Chove no tellado propio:

No estío, esa chuvia é ouro…

Chove no tellado alleo:

No inverno, o chuvasco é cego…


Tolo chover, sen permiso,

Chover sen ningún respeto

Do pluviómetro Touriño,

Do secano Zapatero....


Se levas paraguas, chove;

Se non o levas, parello.

Por iso, LápizCortello,

Comprensivo e milagriero,

Deseñou o “Plan Renove”

De pórlle unha billa ao teito.

_________________

mellor dixestión.

Impertinente - Nerón,

Dun habano moi cumprido

Fumado no Malecón:

Banana en polvo frixido

Na tixola do calzón,

Naquel lugar preferido

Pola buxaina-roncón

Da gaita do buxarrón

Amante dun bo “CUcido”

Para mellor dixestión.

román de taberna

No seu román de taberna

Deseñou un paladino

Escravo nas súas maneiras,

Esmolante no contido,

Óptimo na caghalleira

Polo lugar consabido.

___________

Contas do Gran Capitán.

No bico das dúas letras,

Puxo un ovo esa gaivota

Mensaxeira do verán,

E en mil pares de puñetas,

Se non lle puxer pelotas,

Contas do Gran Capitán.

LELO MONOTEMÁTICO.

_____________

Un lelo monotemático,

Mal aghoiro, mal miñato,

Córvido contra quen sei,

Competidor do mascato,

Muxo, morcegho, carracho,

Lendia inqueda e con estrés,

Zughador de refughallos,

Obediente nos recados:

Ghaivota daquel cartel…

_____________

NERÓN-TRAVESTÍ.

¡Din de Nerón unhas cousas..!:

Disque baila o Chiquichí;

Disque xoga nas camposas,

Disque nun leito de rosas…;

Disque xa non tén pipí,

¡Milagro do bisturí..!


Disque o raposo é raposa,

Disque unha ameixa babosa:

Disque Nerón-Travestí,

Disque fai de calcetín,

Disque envaiñando pelotas

Na barra, de bailarín...



Na lingua das mariposas

Deseñadas por Dalí.

INFERNO POR MÓDULOS.

______________


Por culpa desa muller

-Cintura para un apaño-,

Desde a maceira, desceu

E entrou na cesta o pecado.


Adán non lembra por que,

Eva non recorda cando

Comenzou o inferno a arder

Cun lume de mil carallos.


Nada se puido facer;

Ninguén foi quen de apaghalo,

E as maldades, ao crecer,

Encarecendo o pescado.


Por iso, nesta ocasión,

Os cambios inmobiliarios

Fan do inferno máis galpón
,
Por módulos, fabricado…

_____________________

o cativo

...seguindo co cravo ardente

-¡no vaia ser que el enfríe!-,

tropezou Optimamente

co “cu” dun Impertinente,

debaixo do óso invisible,

e alí cravou -¡no sublime!-

a estaca divinamente

-coma fixera Cupido-:

no corazón da serpente,

tornou de amante en cativo,

e do cativo, en demente

que atende á voz do asubío…


______________________