segunda-feira, 1 de dezembro de 2008
ATA QUE VOLTAR O CID.
O novo furado vello
Descuberto por Awkíng,
Bautizouno o LAPIZero
Con mangueira de xardín,
Embostoulle o pavimento,
Seleccionoulle a matriz,
Púxolle espiñas de cerco,
Valados ao mar…; por fin,
Roubadas vistas ao vento
E, chantado o pectoril
Na pel do toural ibérico,
Permitiulle ao sol dormir,
A perna solta, o seu tempo,
Ata que voltar en si,
Co Babieca e mailo Cid,
E a sarna…, por sentimento.
____________________
COMO A GAIVOTA MARISCA.
Farangullas do pastel,
Lingua de sapo cocida,
O pensamento valquiria
Escriturado a granel
Desenvolve o seu papel,
Discorre, busca a saída,
Pregunta pola ferida,
Polos muxos no mantel,
Polo peirao, por ver
Como a gaivota marisca,
Como o corbo fai de harpista
Desde Celeiro a Viveiro,
Desde Viveiro a Celeiro,
Desde o solpor ao mencer,
Agasallos do lecer…
NOS OLLOS DOS XABARÍNS.
Edificante chistera,
Meditación con reprís,
Lugar de paz e de pis
Sobre Ocurrencia banqueira,
Liberalismo á primeira,
Bon regalo, ou regaliz,
Agasallo pro nariz,
Pro o nariz e pra peneira,
O froito da sementeira,
Ao abeiro dos cantís,
Con rede en malla ficheira.
¡Malpocada é a perdiz
Se inda chora e lagrimea
Nos ollos dos xabaríns!
O SAN BERNARDO.
Por un pelo, o Impertinente
Non che agarra un resfriado,
Librouse del por honrado,
Por ser tan intelixente,
Por cumprido e por gallardo
Por tan pulido e valente,
Por ter a carie dun dente
A saldar nun anticuario.
Hai quen di que o maxistrado
Vai subastar, co birrete,
Un bo xarope de serpe
Que asfixia o peor catarro.
¡TUNEAR A ECONOMÍA!
_________________________
Oración atributiva,
atribución copular,
¡copular!, COPULAtiva,
predicado nominal,
nómina do capital,
¡capital..!, ¡capitanía..!,
¡eFUSIÓN da BANCARÍA!,
bancaria caixa caudal,
causa, raíz infernal,
inferno máis bruxería,
velatorio a trinta días,
diagrama en perspectiva,
perspectiva bianular,
anulación transversal,
transversalidade ambigua,
ambigüidade crucial,
CRUZada de crucería
crucifixión e agonía,
agónico cuadricular
cun baile por bulerías
dos buleiros liberais:
¡TUNEAR A ECONOMÍA..!
__________________
TRAVESÍA GAITEIRA._______________
Navegha con Chisdasvinto
A capitana lughesa;
Leva espantallo no bico,
Allos leva na peneira
De peneirar os carrizos
Desde Viveiro a Fisterra.
Disque leva un San Benito,
Disque leva, disque leva…
Un veleno viperino
De envelenar as culebras.
Seica, en cheghando ao Obelisco,
Na Coruña PITAñeira,
Ha cantar unha regheifa
Contrastada co marisco
Na travesía ghaiteira.
____________________
VOOS SECRETOS DA CÍA.
Aterraron peregrinos:
Caxato, cuncha, sombreiro,
Escravina de romeiro,
Longas barbas do camiño…
Pregaron no presbiterio;
Para congraciar co clero,
Bicaron mans do cabido;
Recolleron pergamiño,
Resgardaron o segredo;
-Palabra de sacramento-
Liscaron agradecidos
-Moito sixilo e silencio-,
Con rumbos descoñecidos;
Remontaron ben ao ceo
Para gozar do divino,
Para lles pelar o pelo,
Para lles pulir o estilo,
Para enguedellar o fío,
Para dar pulo ao misterio,
Quixeron pagar o empeño
De rebelarse, insumisos,
Malinterpretando un credo.
Bush, ASnar JOSÉ MARÍA,
VOOS SECRETOS DA CÍA:
Pór na picota ao Imperio,
Ir a por a gasolina…
FUMAROLAS DE ULTRATUMBA.
O sol apadriña a escena,
Sementeira da brancura,
Todo empurra e todo apura,
Todo o solar transfigura
O caudal da súa presencia.
Despertar Lápiz da ausencia,
Encrequenar a estructura,
Feligranas da cintura,
Choutar da artesa á lareira,
Requintar na brincadeira,
Aproveitando a quentura,
Fumegar na parrumeira,
Acadar Salas altura,
Ennobrecer na figura,
Madurecer na figueira,
Voar, paxaro sen pluma,
Onde habite a mala herba,
Ao cartaz da mala uva
Que ao dar no aire envenena
A ingravidez da gravura…
………………………………
¡Ou, CIDADE da in/CULTURA,
Mausoleo da peneira!
¡Ou, gran pirámide emblema,
Fumarola de ultratumba!
CORTELLO DE TRANSPARENCIAS.
¡Volta a tirar da cadea!
Recluírase a pensar
Baixo un sombreiro de estrelas,
Incrustado na cadeira
Sobre o trono circular,
Falou palabra certeira.
Non se vira cousa igual,
Acaída, pendular,
Sementar da sementeira,
Polo furado da rella,
Unha tras outra, en fileira,
Na piscina comunal,
A semente á vertical,
Nada, mergulla, surfea,
Discurre pola marea…
Conxugación do cagar:
¡Volta a tirar da cadea!
Subscrever:
Mensagens (Atom)