Hai coma un certo feitío
na estampa dos agrupados,
teñen os brazos cruzados
con seráfico adobío.
Meniños, adolescentes,
na soedade adestrados,
semellan desvencellados
de cargas concupiscentes.
Daguerrotipo analista,
con poses de seminario,
garda en perfil relicario
grandes misterios á vista.
Do pregón pende inventario
do lastre materialista:
O frade pasou revista
no seu papel de notario.
(Rioderradeiro)
