sábado, 29 de novembro de 2008
MANEIRAS DE BAILAR.
Puxo os seus ovos o Lápiz
No niño dos tres pardais:
Arrincou do leito ao Lelo,
Rapoulle a baba e o cabelo
Ao consistorio das ras,
Porque Luisiño Barbeiro
Non foi quen de llas rapar…
Por se for Quintana a Rosa
Que SALAS quixo pintar,
Mira, NEreCIO, se amosa
O teu perfil mariposa
Nas maneiras de bailar.
____________
PROMESAS SOBRE AREA.
VERSIÓN FUNIL.
BERBIQUÍ - CANDIL.
¡ Disque o peixe é regalado!,
E o petróleo está a subir,
E segue descontrolado
Polas guerras do mercado
Que o xigante americano
Nos fixo repercutir
No “prestige” do barril,
No “chapapote” do caldo,
No transporte e no encofrado
E no vivir regalado,
Sen corrente e cun candil,
Flor e nata do perfil
Do condumio neroniano,
Que, a guisa de argumentario,
Polo funil dun apaño,
Enfundou nun calcetín,
Para ti e para min,
Este lírico incendiario,
Poses de grande empresario,
Salvador de campanario,
Exemplo de berbiquí.
(Rioderradeiro)
Trobisco.
Teño inchazón Federico,
Teño andazo Gallardón,
Teño un Ramírez con pico,
Teño na casa un trobisco
Por Alberto e por Rajoy.
Teño na zurda o IPeCé;
Na dereita, a Esperanza;
Os cartuchos, a espingarda,
O visor da propaganda,
Nas fronteiras do PePé.
¿Quen vén sendo o capirote
Coas babas dun estrambote,
Que o Lápiz quixo pintar?
¿Un IPeCé con bigote,
“AnSar”, comparsa de Iraq...?
Se é que estou a ensarillar,
Pode aclarárvolo Nero,
O Luis, O Timoteo,
O Mundo, a COPE, e o Lelo
Co seu saber proverbial.
¡Viva Salas, capitán
Ao pé do humor da cultura!
¡Viva toda a calentura
Do IPeCé que nos tortura
Ao Lápiz e aos demais!
Eu non merezo “avivar”,
Pois perdín a compostura
E o repeto ao capital:
Zurdo son, ¡malaventura!,
¿Serei tan zurdo mañán?
O tempo resolverá,
Sen dúbida;
Impaciencia de esperar
Cunha cana de pescar
Con pluma…
Un ¡deica logo!, e xa está:
Unha nova singradura.
(Rioderradeiro)
EMPANADA DE ATÚN.
Esa goma de borrar;
O Lápiz que a debuxara;
Esa idea temeraria
De suxerir e ocultar;
Esa mordida palabra,
Ese carozo da fala,
No “todos”, quere ensilar
Canto hai de moeda falsa,
De hipocresía e comparsa
No caixón do tributar.
Coa goma de borrar,
Teño de luír as tramas,
As intrigas, as patrañas
-Copas do Mundo a brindar-,
Baixo o bigote e a tostada
Da perruca, da empanada
Que non son quen de aguantar
Nin Acebes, nin Zaplana,
Nin a Axencia Tributaria,
Nin Losantos Talibán.
_____________________
ENTORCHADOS FEDERICO.
Se o demo farda rabelo,
E vai de humano vestido:
Ampla casaca ao pingüino,
Patas de galo crequeno,
Garabata en contubernio,
Cabeza amosando o embigo…
Se o demo farda rabelo,
Ollos saltóns, bravuqueiros,
Parlamento falangueiro,
E pentea un pelo espiño…,
¡Abricias, Gallardo Alberto!:
“Entorchados Federico”…
Deus te acolla no inferno
Ao lado dun demo amigo.
O ceo está corrompido
Pola COPE e polo clero.
CÓMPLICES DO LINGÜICIDIO.
(Adicado ao meu benquerido amigo Nero, sempre tan entregado á causa da pureza e integridade de tódalas linguas, con esta miña devoción que xa é vicio).
Arco da miña ballesta,
Flechas, puñais vengativos,
Corazóns grandes, feridos
Por innobrezas infectas
-Chiquilicuatres por quilo-:
¡Todos en pé, nas almeas,
Capitáns dunhas protestas,
De mar a mar, queimar ríos,
Romper montañas, cadeas
Cómplices do lingüicidio.
DAS CAGADAS GAIVOTESCAS.
¡ Esta lanza cervantina,
Este casco-bacinilla,
Esta adarga quixotesca,
Estas gafas-cus na testa,
Esta dentamia simiesca,
Esta pose, esta protesta..!
Nunca as loitas sibilinas,
Nunca aventuras cainitas,
Nunca a verdade estreñida,
Nunca “chiquilicuatrinas”
Remataran principescas,
Senón, mal fario, goiescas,
Insultantes, quevedescas,
Desesperantes, grotescas,
Premonitorias ruínas
Das cagadas gaivotescas.
_________________
¡CHIQUILICUATRE, *ODER..!
TODOS TEMOS QUE MORRER.
(Wikipedia: Francesco Petrarca)
"Y todo el coro infantil
va cantando la lección:
«mil veces ciento, cien mil;
mil veces mil, un millón».
Antonio Machado
_________________
Quixo, coma un gran esteta,
escribir unha cuarteta
con alma de verso en prosa.
Quixo a musa veleidosa
esquivalo onde el procura
o manancial da cordura.
Quixo pór no fundamento,
o calor e o sentimento,
pero afogouno a tristura.
Quixo, para desventura,
quixo –non basta querer-
ser poeta ou parecer…
Morreu naquela aventura;
todos temos que morrer.
(Rioderradeiro)
¡Viva o ASnar da diarrea!
Quixo a PePeira gaivota
Devir pomba milagreira,
Voar da caluga á testa
Do Pai Noso, feiticeira,
Pousar, sen plumas, na croca,
Recrear aquela idea
Trinitaria e Jimenea
“Asociados Pedro Jota”
-Doctrinas da Conferencia-,
Urbi et orbi, COPE a copa,
Copa a COPE, sementeira:
¡Ai, crise que nos afoga..!
¡Ai, o Bush, que nos putea!
¡Viva o ASnar da diarrea!
______________________
Xogan a que son merinas.
Con tres leccións de ´humildade´
E outras tres de ´vaselina´,
O Timo ripios xeniales
Circulou pola cociña,
Coma un galano graciable,
Por unha vez, por un día,
Pola frugal amnistía
Que tamén quixo outorgarme,
Impertinente e atrevida,
A musa do debuxante
Neste reino de mentira
Onde tres churras farsantes,
Xogadas de pantomima,
Xogan a que son merinas.
ESTOUCHE ENTANGARAÑADO.
Como dixo un papagaio
Co seu saber displicente,
-Grande xuíz, competente
No quefacer literario-,
“Perpetro”, no verso malo,
O máis horrible pecado
De rimar moi malamente
O descontrol co decente,
Ouro de lei con cascallo,
E por mor dun ocurrente
“Lingua azul”do tangaraño,
Se é que xorde o pareado,
Foxe de min espantado,
Espantado e insolente,
Que estou gafado e doente,
Que estou doente e gafado,
Que estou gafado e ripiado,
Que estou ripiado e doente:
Son “Matraca”, ¡pobre xente!,
Estouche entangarañado.
¡Manda madre, Impertinente!
¡Mándache moito carallo!
SALAS DA PUÑETA.
Tres patas non fan banqueta
Se o Lápiz non a procura:
Pino branco por montura,
Casamento na estructura
Que ás cachas ben complementa:
Un Salas de treixadura
-Pisca de sal e pementa-
Pola singular dozura,
Entre febres e arrepíos,
Do viño que os cus fermentan
Nesas cubas de Albariños,
Ao son das gaitas grileiras,
Onde bailan señoríos:
Imper, Neróns, Lelos…,¡ festas!
¡Como mola o festeirío
Do Salas-Lápiz-viñeta
Da puñeta..!
ONDE MORRE O PEIDORRILLO.
Era unha voz trepidante,
Era un eructo tonante
Era un lóstrego arrogante,
Arrogante e presumido,
Un torpedo consentido,
Libertario, libertino…,
Un pedrón como un diamante,
Palpitante, medio vivo,
Esmorecente ao instante,
Repelente, repelido
Polo secreto escondido
Onde o ar perde o sentido,
Onde a marea é mallante,
Onde morre o "Peidorrillo"…
___________________
¡á cadea!
Urbanistas a mans cheas:
Constructores apañados,
Libres de innobres pecados
Da corrupción e dos pagos
En negro, que é cousa fea,
Á cadea.
Cando se preste a ocasión,
Urbanistas sibilinos,
Serviciais, caritativos,
De misa e de comuñón,
De moita xenuflexión,
Moi cumpridos …
Ante o Crego barrigón,
Ante o alcalde ladrón,
Ante o xuíz de cartón
Ante tododeus bendito,
Señoritos.
___________________
...¿pola santa inquisición?
¿Será pato ou lumbrigante,
Ou tal vez unha langosta
-Acuicultura da costa-,
O retrato rechamante
Que, ao mandar pechar a boca,
No seu falar se equivoca
De bocado e de talante
-Malos augurios da pota-?
¿Serán palabras ben/ditas
Por quen foi altar Maior,
Por San Gil, dona María,
Pola túa e pola miña,
Pola Santa Autonomía,
Polo hamletiano Rajoy,
Pola Santa Inquisición,
Pola COPE ou pola Biblia?
________________
AS LEITEIRAS DE FERROL.
POLO VIAL INTESTINO.
ANTESALAS DOS INFERNOS.
POR CAPULLO.
TRAUMATISMO EN GALEGO.
Políglota, plurilingüe,
Deslinguado fantasmal;
De Alemaña ao Portugal,
Ningún cantar lle resiste:
O mesmo se calza e viste
No italiano coloquial,
Que o remata, ao natural,
Un si bemol, lingua en ristre.
Sabe latín, fala grego,
Saborea un bo francés;
Pode contar do revés
No lingala indoeuropeo,
No bretón, no mirandés…
¡POBRE NENO!,
Traumatizouse en galego...
POR MILITAR FEMINISTA.
Por catalana e ministra,
Por ministra e por muller,
Polo aquel “separatista”,
Por antimilitarista,
Por “ministrar” o “tropel”…
Por preñada e socialista,
Por marca de ZetaPé,
Por delgada e porque é “lista”,
Por non “molar” no PePé,
Por “profanar” o cuartel,
Porque saíu na revista,
Por militar feminista,
Polas ganas de... poder.
____________________
SONETIÑO (con estrambote)::
A SAN NERÓN, PATRÓN
DO LUME.
_______________________
Cando Nerón, Lumieira,
Aprendeu dos seus pecados
A multiplicar quebrados,
Peneira que te peneira…
Cando, da mesma maneira,
Pasou do telo ao gardalo,
Polo aquel de ser honrado
En gran Señor de primeira…
Matinouche o empresario
En combinar co rosario
A levita e a chistera,
E así, entre teima e teima,
Entre aprendelo e gañalo,
Quedouche o Nero enquistado…
Santo Protector das Feiras,
Santo Patrón Monetario,
Santo de moitas maneiras:
¡Político santulario!
Nun mundo tan do revés...
CUNHA PÓLA DE PRIXEL.
Subscrever:
Mensagens (Atom)