quarta-feira, 3 de dezembro de 2008

REVESTIDOR DE FACHADAS.




Había en Ferrol un SALAS,

Debuxante de receitas

LÁPIZferoz da ledicia,

SALpementador da risa

Co prebe da caldeirada

E un calcetín pra aliñala…



Gran servidor de enSALAdaS,

En menos de tres viñetas,

Tres mil millóns de etiquetas,

Resumía en tricolada

MestreSALAS cuchufletas,

Revestidor de FACHAdas

FLOR E NATA DOS MARISCOS.






SALAS de monocultivo,

LÁPIZ-Feroz tatabexo;

No desandar circunflexo,

Queimacasas Cutrefino…



Das eleccións, adiviño,

“¡Fodembro!”- dixo o *odido

Pintor que emula ao cangrexo

Flor e nata dos mariscos…



“Fodembro” éche ese membro

Que vos *ode dos Quintanas, do Touriños...

CADELO CORREDOR.







Canta o XITANO Zumbón


Esa guaracha atrevida…


Coas aletas de charol,


Disque segue ao trovador


No acuario da cociña,


Porque, na braza e no crol,



Fixo de lebre a NERÓN


Coma o cebo fai de guía


Ao cadelo corredor

Con fame de moitos días.

______________________

CRONISTA DO CORAZÓN.





Esmola por San Antón,
Polas ánimas benditas;
Por Mondoñedo, un doblón;
Por Cunqueiro, dous mil vivas…


Pola “centrista” afección
Dun Lápiz en SALAzón:
Polo Luis activista,
Pola Guapa e por Ucina,
Por que lles cure o xamón
No rebaixe da petrina…


Pola Santa Inquisición,
Por Ttimo que nunca tima,
Polas prosas de Nerón,
Un pincel de tinta china,
Polos vieiros da alquimia,
Cronista do corazón.

Dime, meniña, por que...



  























  Dime, meniña, por que

non te afeitas o bigote;


por que pretendes de cote


simular que non o tés.




  Se, por desgraza, tal vez,


na autoxenreira te escondes;


meniña, rompe eses moldes


dunha autoestima ao revés.



  Presumes de intelixente,


de plurilinguar o inglés,


o romanche e o francés,


e o alemán, de copete…




  En canto ao noso, xa ves


como acovardas caletre;


por que renegas do berce 


do galego-portugués?



  Pensas, meniña, cos pés!


 
   (Rioderradeiro)


Resultado de imaxes para fala galego

ENTRE O SER E O PARECER.


































Non che é o Xitano carneiro



Nin Nerón seu cabaleiro,


Non che é Lápiz mal pincel,


Nin che é Lelo un lareteiro,


Non che é Luis tecedeiro


De “tejerianos” corsés


Nin o Miranda, en clichés,


Alpinista de cortello;


Porque nunca puido obter


O dereito co revés


Bo noivado ou casamento.




Sonche persoas de xeito,



A salvación do mal pleito


Entre o ser e o parecer.


 
    (Rioderradeiro)



POR SALVAR A CORTESÍA.







Sacas mal lustre ao bigote

Co teu mal xenio, Valquiria,

Ao desterrar o capete,

Chicuelinas de estrambote,

Para llo endosar na sima.



Por salvar a cortesía,

¿Quen sabe se ao tal rillote

Lle fai gracia a picardía,

Se o pan de millo que come

Llo recomenda a barriga?

___________________

MÁIS ALÁ DO NECESARIO.




________________________
Dous fungos de rechupete

Onda as follas do carballo;

Emparellado dobrete,

Dous corazóns -Pili e PePe-,

Pola frecha profanados,

Transgredidos, trastornados

De orxiástico quererse

Fóra do recomendado...


Quen non pecou de “indecente”

Nunca tivo poucos anos.
____________

MÁSTER EN CASTRACIÓNS.






___________________________
Neste alpendre moralista

Sentan cátedra de alfoz

O seudo-LápizFeroz,

O Miranda “voyerista”,

O Impertinente alquimista,

Pasando polo OTTimista

Cos dous tés de tontarrón»,

O Xitano de Nerón…



Por prendas - porque son bos-,

Aceptemos os sermóns

Do bo pensar de analistas

Con máster en castracións,

Nas castracións de alpinistas.

CO BOLERO DE RAVEL.






_______________________

Por simple regra de tres,

O mapa do Zapatero

Deseñouno lapicero

-Encerella a solidez-

Nun cartaz do Corte Inglés;

Pendurouno do revés

-¡Malpocado financeiro!-

Do mastro daquel veleiro

Ancorado no Berbés:

¡Meu coitado carabel,

Ninguén te quixo acoller..!



SALAS, con vento mareiro,

-O mar tampouco ten fe-:

Afogouno nun regueiro

Co bolero de Ravel.

ESTRUCTURA Á CONSTRUCCIÓN.



___________________________

Non por encubrir rencor

Ao abeiro dunha SALA,

Deixa o rancor de ter cara,

¡Moita cara…!, ¡mala cara..!,

Mala inquina e mala cor,

Un corazón de escorpión

Cumpridor dunha vinganza,

Servizo ao mellor postor;

Pois propalando a esperanza

Do “canto peor, mellor”,

Cre cementarlle carcasa:

Estructura á CONSTRUCCIÓN.

Plan DIETA





________________________


Diría que o Plan DIETA


Alimenta a indixestión


Do Salas-Lápiz-Feroz


Coma dueto tizón,


Nutrindo o fervor da trepia,


Acariña o mal humor


Glandular dunha mofeta


Cando lle brinda ocasión


Un facho fiel do fogón


Ben irmandado coa mecha.






Nerón-Xitano, ¡Nerón!,


O lume que se enrabecha


A Impertinencia aSEVERA


No lumeiro, no ferrón…


(Rioderradeiro)

MIL PARES DE MAMBRÚS.




Artes de birlibirloque,

En canto O Cara e O Cruz

Tornara xesto en bigote

Da valquiria de “LuCÚS”…,

Mirándolle o repelús

Á enxeñaría do pus,

Derivou nun despelote

Insoportable ao trasluz,

Fronte á luz, moi mal pegote

Liberalismo de azul,

De seu, sempre chapapote,

Chapapote…, chapapote…

De mil pares de mambrús.

Todos pagados a escote:


Marlbrough s'en va-t-en guerre,
Mironton, mironton, mirontaine,
Marlbrough s'en va-t-en guerre,
Ne sait quand reviendra:
Ne sait quand reviendra ...

PERTINAZ DEICA A FARTURA.






Furado a pastel por pasta,

Por Lápiz unha verruga:

Viñetas, unha por unha,

Baballar puras babuñas,

Coxear, coxo, caxata,

Papexar por malas pulgas,

Renquear por mala pata,

Pertinaz deica a fartura,

Baboso, babosa, escuma…

¿Quen ha purgar esas babas

Se a garlopa n´as depura?