Egocéntrico en perigo...

Verdadeiro mentirán,

resolutivo inseguro,

son claro sombrizo escuro,

traballador lacazán...

E son tantos seres nun,

no subconsciente son tantos,

tantos son os meus recantos,

sen que me encadre en ningún...

No retablo dun altar,

para moderno algo antigo,

porto portal con postigo:

Véxome, á vez, reformar

en santo desaforado

e de demo disfrazado...

Contrito a me reforzar,

son desa estirpe a fartar,

cun periscopio no embigo...,

Egocéntrico en perigo,
con pretensión de pensar
que non debato comigo.

(Rioderradeiro)