Nunha gloria a grande altura.

"Onde hai cruceiro houbo pecado." (Castelao).

  Apóstolos, padroeiros,

mártires ben valorosos,

menciñeiros milagrosos,

Santos Cristos dos cruceiros…

  Canteiros de Pontevedra,

do punteiro ao poderío,

do talento ao atavío,

piedade a pico na pedra.

  A rocha acolle feitura

persoal de cadaquén,

dalle á imaxe canto ten:

  Pedestal, digna postura,

faciana, fala, e fondura

aos ollos cos que se ven...


  Francamente, unha fartura:

beatos que son refén

dunha gloria a grande altura,


"Per ... saeculorum", amén!


       (Rioderradeiro)