Fermento con ferradura.

  Entre o sentir e o soñar,

face / envés considerando,

vaise o tempo peiteando

co pente do teu pensar.

  Entre o ter e o trastocar

mazorcas do mesmo saco,

baixa, ás veces por buraco,

fariña sen peneirar.

  Se fornece sinatura,

á forza, encarna fisura,

xarampelo en pensamento;

  Despilfarra o sentimento
cando a fame ha conformar

na confusión da fartura;

  Entre aforar e aforrar,
enfatiza o fundamento 

fermento con ferradura.

 (Rioderradeiro)