Brindando ao tempo propincuo,
vir ben labrada a feitura,
chegar a idade madura
legando os sesenta e cinco.
Seres, señora, discreta,
tirar de folgos secretos,
gozar de fillos e netos,
teres a prole completa.
Respectada nos "pixéis",
belida flor, rexe, rega
fragrancia que non renega
de se expresar nos pinceis.
Cumpres, francesa..., e galega
-bicos abondos, na entrega-,
parabéns!, SESENTA E SEIS..!
(Rioderradeiro)
