Meteulle o dente a muller
á mazá do paraíso
e recuncou de improviso,
tan forte fora o pracer…,
con Adán, que, ao parecer,
renovando o seu permiso,
inda vivía no piso
sen pagar un aluguer.
Casados polo civil,
e co banco hipotecario,
firmaron un formulario
do código mercantil…
-cabaceira de perfil-
EVA en costela de JARO,
porque o pescado está caro,
fóra de prezo o pernil.
(Rioderradeiro)
