Soñar? Levantar alfombras?
Debater sobre aporías
de contumaces manías
na vacuidade das sombras?
Vivir? Non vivo. Padezo
o baleiro de existir,
a pretensión de esixir
outro escenario a bo prezo.
Xogar? Non xogo. Son naipe
dunha baralla abatida;
son dado para partida
que un gobelete destape.
Potencial ente? Consisto?
Con que premisa me invisto
de ser real..., que me atrape?
Que me atrape e que me empape
desa entelequia..., onde existo !?
(Rioderradeiro)
Sem comentários:
Enviar um comentário