Revela truco algún tolo?

  A forza da corrupción

nace de aceptar que todo

-por tradición, moda e modo-

pode atopar acomodo

onde a trastenda compón

tea de araña á razón

e unha benda ao corazón

para adobar protocolo:

carto, regalo, centolo,

beneficio e bendición.

   Labra apetencia o ladrón?,
lava conciencia o birollo?,
revela truco algún tolo?
Preguntas de "a patacón".

  Respostas que non recollo.

             (Rioderradeiro)