sexta-feira, 16 de dezembro de 2016

Canta congoxa incontida!








(IN MEMORIAM da tía ELENA, nai dos meus curmáns Maruxa, Manolo, Antonio e Mario SILVA GARCÍA)



  Sendo tan poucos, son tantos
os anos desde a pertida...

  Son de soidade os teus prantos,
sangra orfandade a ferida;
sombras, baleiro... Que vida!

  Que vida! Cantos quebrantos!
Cantos de dor, sacrosantos!
Canta congoxa incontida!

 
  (Rioderradeiro)








terça-feira, 23 de agosto de 2016

Como apuntando á pontella.




















  Terma o calvo da botella;
con trazo santo, sereno,
debuxa, endereita aceno;
dispáranse os da parella
dardos dun ardor obsceno....,

  como apuntando á pontella.

  (Rioderradeiro)

sexta-feira, 22 de julho de 2016

A quen pon pés na ribeira.


  Bálsamo, a luz velaíña;
beizón, a brisa veleira;
virtude, a vaga vindeira;
o brando beizo adiviña
a quen pon pés na ribeira.

  (Rioderradeiro)

sexta-feira, 15 de julho de 2016

Veu Chuvasco a dúas velas.


Manolo Chuvasco (e compañía) en MUROS MIRA AO MAR, 2016.
   
  Facsímiles en fibrapán,
cruceiristas damiselas
-envexa das pasarelas-,
campechano o capitán;
ao abeiro das xanelas,
bergantíns, dornas, gamelas...; 
singradura a ras do chan,
navegantes de verán,
marexada en pantalán:
Veu Chuvasco a dúas velas.

  Veu Chuvasco a dúas velas;
amordaza o curricán,
moratoria ás carabelas;
moralista, en capelán,
amortalla bagatelas.

   (Rioderradeiro)


domingo, 15 de maio de 2016

Inefable monolito.



  Vexo quenlla, ou tiburón,
vociferante en granito;
vexo en pedestal un grito
invocando pavillón,
inquebrantable apetito
vindicando aprobación.
  
  Insufrible implantación,
inefable monolito.


  (Rioderradeiro)