segunda-feira, 30 de setembro de 2013

Balas de escaso calibre.

Resultado de imaxes para poema de los besos

  Que graza teñen os bicos
que Salva prodiga tanto?
A quen lle consagra encanto
dispensador dos máis ricos?

  En bicos evanescentes
dilapida patrimonio?
Parece que San Antonio
recarga en gastos correntes
acenos concupiscentes
con pastillas de plutonio.

  Reboza beixo en almibre,
condimenta ese alimento,
romanceando argumento
perfumado de xenxibre.

  Borda o bardo verso libre,
e un loureán criticando,
en consoante encaixando
balas de escaso calibre.


(Rioderradeiro)
Resultado de imaxes para poema de los besos