Perseverante, á deriva.

Non sei se teño ou reteño

Descarnada encravadura

Reconvertida en costura

Polo cartaz de deseño.

Sinto un puñal afincado,

Rempuxando empuñadura,

Revalidando a fisura

Por compulsión no furado.

Descabelado contexto,

Competición por pretexto

Provocando narrativa,

Cal criminal que cativa,

Enfebrecido no xesto,

Con pertinacia abusiva

Na mesma chaga abrasiva

Pon máis puñal deshonesto,
Perseverante, á deriva.


 (Rioderradeiro)

(Wikipedia)