domingo, 30 de setembro de 2012

Se cantan polo bebido.

                                          (Alfonso Pouso)


¿Quen vén sendo este cuarteto?
¿Por que están tan abrigados?
¿Quen bebe dos disecados
Mencía coma un cateto?

¿Por que o mostacho un gordete
Arrufa de medio lado?
¿Por que debruza escorado
A estribor tralo sorbete?

¿Queres saber canto importa
De canto foi requerido?
Redondel, punto e seguido

En Pitís, porta con porta;
Paga outra rolda en Sahorta
Se cantan polo bebido.

 (Rioderradeiro)



Todo o marisco en “Alcampo”.

Foto: FRASE AMBIGUA PARA LECTORA MOI MIRADA COS TEXTOS.
¿Que quere dicir?
a) Prohibido esquilmar as especies ata a súa desaparición.
b) Prohibido recoller calquera clase de marisco.
c) Terminantemente prohibido mariscar o que sexa e atéñanse ás consecuencias de facelo.

Ir á praia a marear,
Interdito á marisqueira;
Campa un cartaz na ribeira:
“Prohibido mariscar…”;

Ao rastro de pescudar
A papanza onda a mareira,
Prohibición cancerbeira
En canto ao seu procurar;

Porque, a bo fe, “prohibir”,
Implantar portas no campo
É trasplantar dun relampo,

Con máquina de escribir,
Nun triste acuario inscribir
Todo o marisco en “Alcampo”.

 (Rioderradeiro)