sábado, 10 de maio de 2014

Un ego corrompido que serpea.


(Wikipedia)

  Desde neno, sen dúbida, incorporas
privilexios de ser acomodado,
xoguete de destino, acostumado
a meterte no espello a todas horas.

  Adolescente, infante inveterado,
por nacido nun berce exclusivista,
por descaro, por alma narcisista
propietaria dun corpo de pecado.

  É tempo de eleccións. Veña, tourea!
Estás proposto coma candidato;
o teu perfil, repique en arrebato
do músculo viril. Verga!, tolea…

  a espada pueril. Entre en debate
a Galiza servil da panacea;
a causa de compor máis melopea,
Narciso, patrocina o disparate.

  Por Deus, ha reflectir o xaquemate
ese ego corrompido que o retrate?


   (Rioderradeiro)



(Wikipedia)