segunda-feira, 17 de agosto de 2020

A sacudir a banana.

























 


  




  
  Pobre Rei, que se nos vai
cargado de contumacias;
pobre España, que adelgazas
de comisións e falacias;
pobre Corte Celestial
de aduladores, caudal
de conspiradores, mafias
da burguesía bonsai,
lacaios da aristocracia, 
pesebrismo policial...

  Canto a Sofía, esa nai
sublimada por bocazas,
subliñada polas masas;
canta inxustiza se fai
con ela, fiel nas desgrazas,
sufridora en "verbigracias"
do prófugo samurai,
espello de democracias.


  Rumbo a Abu Dabi, a Dubai, 
República Dominicana,
a se engolfar de nirvana,
de bourbón, de kalisay,
de serrallo, de badana,
a sacudir a banana?


 (Rioderradeiro)

13-08-06-abu-dhabi-by-RalfR-088.jpg
(Wikipedia)