Onde estás ti todo é festa:
Quixo Deus, que ama a valía
e a malgastar non se apresta,
multiplicarche alegría.
Quizá, por fin, risa honesta,
en vendo a túa harmonía
como de fada en floresta,
floreza en min algún día.
Se cadra porque babexo
cos ollos con que te vexo,
non podo verte máis bela;
Son o máis fiel centinela
para afastares perigo,
e sempre da man, testigo,
Ti triunfarás, linda estrela,
e o meu corazón…, contigo.
(Rioderradeiro)
