Brava punción enrabecha
o meu corpo asilvestrado,
o meu sangue ensarillado
pola paixón dunha mecha.
Abriu Cupido unha brecha
colosal no meu costado,
corazón convulsionado
destinatario da frecha.
Como o diaño é ferino
e chanta os dentes decote,
cumpre atizarlle garrote
de desdentar ao ladino.
Pois é estilete intestino,
rematoo con estrambote:
Santo remedio asasino!
(Rioderradeiro)
