Cabal cabalga o Miño cabaleiro
polo ronsel azul do noso emblema,
cinco puntas de lanza fan dilema:
pegada, selo, historia e mais luceiro.
Galopa Breogán desde o Cebreiro.
Esta patria irredenta é vinculeira:
ten alma, corpo, brazos...; ten bandeira;
as mans que han de termala, puro aceiro.
Quen non vive este amor non se decata
da vileza que aldraxa e se sublima.
Quen non sinte o país non se autoestima
na causa nacional de vella data.
ten alma, corpo, brazos...; ten bandeira;
as mans que han de termala, puro aceiro.
Quen non vive este amor non se decata
da vileza que aldraxa e se sublima.
Quen non sinte o país non se autoestima
na causa nacional de vella data.
Somos GALIZA, a NOVA e maila ANTIGA:
o corazón lanzal da nosa LINGUA.
