Respalda azul tal testigo
da escuma de barlovento;
tourea, entolece alento
de sotavento inimigo.
Pois pendura sufrimento
da pel que garda castigo,
non gasta, engade perigo:
borda a revolta do vento.
Fica no Faro afincado
refulxente
ata a bravura,
dá máis fervenza á brancura,
Propaga ardor, abraiado;
pon Neixón!,
ponte abeirado,
que O Carreiro algo procura:
-Fogo!, farol..!, de cintura.
(Rioderradeiro)
