quarta-feira, 7 de dezembro de 2011

Selecta, con cana en cala.


Patacas, prebe en pemento,
E probando o pensamento....


De vella dinlle cabala,
Rincha máis cando é pequena,
Danza xarda azul, empena
Colleita con cana en cala.


Trabada a traición embala,
Destra en sinistra encrequena,
Na pel do mar ten condena,
Con brinca en tanza recala.

Tralo corricán, en bala,
Aborda o peirao, acena;
Logo, o pescador serena
A gula que augura en gala.


De vella dinlle cabala,
Rincha máis cando é pequena,
Danza xarda azul, empena
Colleita con cana en cala.



Patacas, prebe en pemento,
E probando o pensamento....


(Rioderradeiro)