A vida cos seus arroubos,
e o vaso que derramara,
e o tempo que derrapara;
eramos todos tan novos…
Por andar tan apurado,
non pensei que me alonxara
da nenez, que me alcanzara
ser vello tan decontado.
Foi sacudirme a deshora:
o confrontar desespera
a este home que non tolera
ver tralo espello a quen fora.
Perdida Arcadia, quimera!,
requento inverno na noria
da contumaz primavera.
(Rioderradeiro)
