(*)
Ai!, coitada bailarina,
canta volta o mundo ha dar!
(**)
Debuxa en baile a valía
naquel papel de fumar;
o romance ben sabía
os pasos do seu bailar…
(***)
Dopada con naftalina,
raptouna o galán, cubriuna
cunha bóla de cristal;
esgazada unha cortina,
reliquias de pedestal,
solitarios na vitrina:
un zapato en purpurina
e unha prenda clandestina,
trofeo de bacanal,
coma bocado carnal,
coma unha flor feminina
que atesoura o capital
do pecado orixinal
perpetrado na cantina.
(****)
É portada de postal,
é viñeta nunha esquina.
(*****)
Dopada con naftalina,
raptouna o galán, cubriuna
cunha bóla de cristal;
esgazada unha cortina,
reliquias de pedestal,
solitarios na vitrina:
un zapato en purpurina
e unha prenda clandestina,
trofeo de bacanal,
coma bocado carnal,
coma unha flor feminina
que atesoura o capital
do pecado orixinal
perpetrado na cantina.
(****)
É portada de postal,
é viñeta nunha esquina.
(*****)
Debuxa en baile a valía
naquel papel de fumar;
o romance ben sabía
os pasos do seu bailar…
(******)
Ai!, coitada bailarina,
canta volta o mundo ha dar!
Henri de Toulouse-Lautrec
