TODAS QUEDAN BORRADAS
_________________________
...E quedan esmorecidas
As palabras:
Novas vellas folerpas de sangue,
E en sangue
Desmaiadas...
E quedan maimiños os suspiros das penas,
E as bágoas.
¡Ai, as bágoas!
Todo torna estantío..., todas quedan...
Borradas.
Cadra morrer un día,
Comenzo, medio ou fin
De calquera semana,
No mes primeiro ou último,
Naquela hora mala.
Se estás canso ou con folgos,
Se na furia ou en calma...,
Cando a morte reclama,
¡Que importa a circunstancia!,
Pra morrer sempre hai causa.
...E quedan esmorecidas
As palabras:
Todo torna estantío..., todas quedan...
Varadas e borradas...
¡As bágoas!
¿… E as palabras ?
¡Ai, as palabras!
¿Quen acolle as palabras?
Sem comentários:
Enviar um comentário