Co tizón da ferradura,
tomando temperatura.
* *
Por portar na faldriqueira
un grande enigma escondido,
carguei fardel ben cumprido,
cavilante: por que eu era
para min descoñecido?
Por bipolar, inimigo:
non son quen de me
entender;
se cadra, poida aprender
a reconciliar comigo
no instante de perecer...,
nese intre de comprender
que é prezo de ter vivido,
que é cobro por ter bebido
na alfándega do nacer...
a sede que é padecer
vir, desde o berce, vencido.
* * *
Co tizón da ferradura,
tomando temperatura.
(Rioderradeiro)
Sem comentários:
Enviar um comentário