Que perigoso ir por el !

(Foto Chuvasco)


  Branca escuma, albar ronsel,
labra, navega o navío;
cabalga vagas, corcel
-vento brúa-, con tal brío,
SIDRI afronta desafío
do mar, tan cuco, tan cruel.

 Perseverante o bravío!,
que perigoso ir por el! 


      (Rioderradeiro)

Nos seus tacóns enroscada.

         
           (Cantigas de maldizer para quen insulta impunemente desde un falso perfil, na rede...)
       

  Cómpre arrincarlle esa espiña
por un fracaso incrustada; 
convenlle á bicha infestada
aceptar penicilina
como remedio á rutina,
coma homenaxe á pomada,
de cabo a rabo aplicada,
na lingua e mais na retina
de virtual inventada.

  Cómpre salvala, pobriña!,
nos seus tacóns enroscada...

   (Rioderradeiro)

.- Sicópata de/portada.
______________________

   Ou, matrona irreverente
reverencial, reputada..!;
ou colo, e corda, e poutada..!;
ou, valor polivalente,
suicidarse emporcada
en tal perfil preferente,
antítese de iletrada!

  Ou, de/mente intelixente!, 
ou, culpable impertinente
do teu cartel pendurada,
repelida..., repelente...,
sicópata de/portada..!

  (Rioderredeiro)

*****************************


 .- Vampira de visigodos.
_____________________
  
  Concertista de acomodos,
satánica en santidade,
puro aceiro en falsidade,
consumista de electrodos,
ventrílocua en vacuidade,
vampira de visigodos.


  (Rioderradeiro)


___________________________________________


  .- Prescindir dos malos modos.

       --------------------
  
  Pór enxeño nos "apodos",
practicar a caridade,
profesar a calidade,
paradigma para todos:
prescindir dos malos modos...

  (Rioderrradeiro)

 Que lle dá pulo á palleta.

_____________________

  Bailarina bolboreta
salientada nun tacón
adobado en pandeireta;
ves refaixo na pirueta
dun café con salpicón
que lle dá pulo á palleta.

(Rioderradiro)


 .- Sicópata en controversia.
________________________
  

  Salvando altura da cama,
o pé, no zapato fino,
soubo envaiñar tan divino
servizo á tan baixa dama. 

  Debruza agora, derrama,
empurra polo fociño
cal vendaval de cariño,
como halitose, a soflama.

  É mentireira, é teimuda;
canto á maldade, é diversa;
toda razón terxiversa;
corroe a rabia á rabuda.
  
  Na adversidade é perversa,
na vacuidade está inmersa,
na veleidade é varuda,
na escuridade se escuda...

  Sicópata en controversia. 

     (Rioderradeiro




.- A dos tacóns depravados.
_____________________

  Ten os seus días contados
vedete entre bambalinas;
acampará nas latrinas
a dos tacóns depravados.

  Acampará nas latrinas,
confiscará campamento,
consumirá ese alimento
recargado en vitaminas.

  Consumirá ese alimento
concomitante, indixesto,
contaminante, funesto,
correlativo excremento.

  Ten os seus días contados
a dos tacóns depravados.


   (Rioderradeiro




 .- Dun claustro particular. 
__________________


  Sentenza o Pianobar,
contubernio en sobremesa,
menú da mafia escocesa:
prohibido disparar
contra o perfil da abadesa
dun claustro particular.



   (Rioderradeiro)



 .- Con mando en praza, a Marita.
__________________________

  Suprimida, desterrada
daquel fortín -ler garita-,
na ignominia sepultada,
a sicóloga que irrita,
de golpe, que resucita
no peitoril da finada,
heroica, ben reforzada
esfollando a margarita,
modelo de refinada
-santa Bárbara bendita!-,
máis radiante, máis bonita,
entre pitón e pintada,
entre placidez e espada,
entre doce e dinamita...,

  con mando en praza, a Marita;
como unha dama, a malvada:

  Perversidade infinita...

     (Rioderradeiro)

.- Binomio ausente da mesa.
______________________
  
  Prospecto. Pianobar.
Cónclave Mafia Escocesa,
directorio, a toda présa;
o baleiro a destacar,
binomio ausente da mesa.

  Quen comanda a letra impresa?
Obrigado é gobernar
en consorcio a nosa empresa.

   (Rioderradeiro)



 .- Para comerte, doncela.
____________________

  Como loce pernamenta
de repasar pasarela!,
que ben calceta en por ela!,
como leva a ferramenta
-verduras, allos, pementa-
nun bolso que foi pamela!,
que graza amosa, tutela
cando a linda fundamenta
tódolos tipos de imprenta
resplandecentes en vela!

  Deixo cintura incruenta.
Como, diantre!, esquecela,
se os mocasíns son de menta,
os calcetins de un cincuenta
e o manequín dá en gacela?

  Para comerte, Doncela!


    (Rioderradeiro)

(de Antón Lameiro)

Baixo dA PARRA, o cliente.

  En butaca preferente,
á beira de San Francisco,
dúas terrazas. Albisco,
en comisión permanente,
recalcitrante menisco 
de persoal competente
subir ao bar ao impaciente;
que, en canto á boca, é promiscuo
o dente concupiscente,
da queixada, basilisco:
refrescos, tapas, marisco...
servidos por oferente
e gorentados, sen risco,
baixo dA PARRA, o cliente.

  (Rioderradeiro)

Da Caixa de Pandora, solfa en clave.

(Wikipedia)

  Moqueta sobre areas movedizas,
esta cadeira é trono de portada;
transvasada, a traizón, de mans postizas
a gloria evanescente deturpada.

  Ledicia..., decepción... Trala primicia,
o bipolar silencio da bancada:
lacerante no reino da presbicia,
lenitivo no lar da barricada.

  O impulso de exclamar: ¡que desatino!,
o impropio de aceptar que ninguén sabe,
o impacto de inferir que sorte cabe
ao cuarteto que encorda ao concertino. 

  E, sen embargo, impuxo un inquilino
contrario a devolverlle aquela chave...

  da Caixa de Pandora, solfa en clave
de Muros de San Pedro en andantino.


     (Rioderradeiro)

(Wikipedia)

As portas de Xericó.

  (Antón Lameiro)

  Non ha xogar sorte aos dados
nin tampouco ao dominó;
en prego para atestados,
deseñou pasos contados,
versallescos, controlados
polo estilo rococó.

  Tódolos desconsolados
ficarán condecorados
nas agullas do "reló".

  ¡Vive Deus!, tempos maduros
non poden romper máis Muros
nin portas de Xericó.



              ******************


Non o receita un galeno.
____________________

  
  Nunha nota marxinal
guindada contra dereito,
apuntou cuarteto ao peito
da Casa Consistorial.

  ¿Demencia en dose letal?,
¿un contubernio a barbeito?,
¿vendavalada no teito?;
¡pinchacarneiro total..!

  Galano en Municipal,
unha manobra sen xeito,
unha monada de feito,
vestida de carnaval.

  O mel que oculta o veleno
non o receita un galeno.

 
  (Rioderradeiro)