O "CASTOR" ARQUITECTO DE RÍO LINGÜÍSTICO.

Mamífero roedor,

Polo pelexo apreciado,

Non se presta ao revoltallo,

Amigo da confusión;

Pois merece, no escalón

Dun mundo xerarquizado,

Cuadrupedarse ao cadrado,

Fóra de competición,

Ao longo de todo o ano,

Se dá licenza o Castor.

¿GaliZa con "C" ?

Calzasachos, Calzasachos,

Calzasachos, calza ben

o teu legón de traballo

co nobre pau de carballo

da ciencia do teu saber

se ha de ir GaliZa con "Ce"

como vai en castellano,

que é como che debe ser

por dereito e por revés,

á voz dun ordeno e mando.


(Rioderradeiro)

CABACEIRA INSTITUCIONALIZADA.

_______________________________________



_____________________________________

Aqueles canteiros sabíanche moi ben o oficio e algo de economía material: Pedra a pedra, coa devoción dos prefesos no gremio. Unha gloria de arte.

__________________________________

PATRIMONIO NACIONAL: Cabaceira de Xoana do Rouco.

POR QUEN VELA ESA CAMPÁ?

O outono,

o outono...!,

cadaleito do verán.

O verán morre no colo

dun novo airiño frescal.

A folla,

a folla..!,

cabelo, que tornou loiro,

humillado polo chan

na floresta e no fondal.

Marusía,

marusía..!,

mareira do mar de fondo,

salseiro de vendaval

pola bocana da ría.

Bruar,
bruar..!,
bruar e choutar do vento,

se ao vento prace choutar

nas comisuras do alento.

Chorar,
chorar..!,

quen chora nesta cantiga

con laios de vela e quilla?

Por quen vela esa campá?

(Rioderradeiro, Vigo, 23/11/08)