- As tres Grazas muradás

(Wikipedia, Pedro Pablo Rubens, 1636-1639)

  Tres deidades poderosas,

humanas, polo demais,

rebuldeiras, fachendosas,

soñaran con ser ditosas;

hoxe, serenas, vitais,

pensan, princesas reais,

madurecer coma rosas,

envellecer coma nais;

"As tres Grazas" muradás,

avoas... -ler candorosas-

consentidoras graciosas,

bolboretas garimosas,

acolledoras, centrais,

polo candor, luminosas,

polo calor, capitais,

pura ilusión, deliciosas,

puro valor, virtuais,

tan plenas, tan principais ,

tan verbais, tan vigorosas:

lindas señoras -que máis?-,

señoras sentimentais,

tres beldades portentosas,

tres deidades poderosas...

 Hoxe, serenas, vitais,

pensan, princesas reais,

madurecer coma rosas,

envellecer coma nais...

  As tres Grazas, as tres mozas,

Amorosas. 

(Rioderradeiro)