Na mesmidade encrequeno.

  

  Pensa o calor que conteño

amordazado, inseguro,

que por combustión deveño

tizón de verde en pau duro.

  Dime a razón que me empeño

e o corazón que me apuro

en derribar este impuro

mastro falaz clavileño.

  Ninguén me di que son novo,

ninguén me di que son neno,

ninguén me bota en cumprido,

nin como esmola, un aceno…

  Se desbordo ardor, son lobo;

se dobrego peito, empeno

maduro…, vello…, aflixido…;

na mesmidade encrequeno...

  Por se do xerme renovo

 vigorizado, e sereno.

             (Rioderradeiro)