MUROS leal, sen cancelos,

  Pensouno en Valdexería,

consultou con MonteLouro;

para investir tal tesouro,

levantou MUROS na ría.

  Quen puxo a pedra non quixo

no corazón pór muralla,

só resumir na medalla

dos muradáns canto fixo:

  Rúas de nomes pomposos

en rueiros portentosos 
na humanitaria; primores!

  Canta Oroso e Cruz de Pelos,

canta Baño e Miraflores,

campo de Cortes…, cantores!:

  Nobre, leal, sen cancelos,

MUROS triunfal, sen castelos!

                               (Rioderradeiro)