Farangullas do pastel,
Lingua de sapo cocida,
O pensamento valquiria
Escriturado a granel
Desenvolve o seu papel,
Discorre, busca a saída,
Pregunta pola ferida,
Polos muxos no mantel,
Polo peirao, por ver
Como a gaivota marisca,
Como o corbo fai de harpista
Desde Celeiro a Viveiro,
Desde Viveiro a Celeiro,
Desde o solpor ao mencer,
Agasallos do lecer…
Sem comentários:
Enviar um comentário