A SAN NERÓN, PATRÓN
DO LUME.
_______________________
Cando Nerón, Lumieira,
Aprendeu dos seus pecados
A multiplicar quebrados,
Peneira que te peneira…
Cando, da mesma maneira,
Pasou do telo ao gardalo,
Polo aquel de ser honrado
En gran Señor de primeira…
Matinouche o empresario
En combinar co rosario
A levita e a chistera,
E así, entre teima e teima,
Entre aprendelo e gañalo,
Quedouche o Nero enquistado…
Santo Protector das Feiras,
Santo Patrón Monetario,
Santo de moitas maneiras:
¡Político santulario!
Sem comentários:
Enviar um comentário