.- EMMANUEL.

 (Belén de area, en Canarias)


   A estrela que nos guía

colle rumbo a Belén.

Polo camiño aberto

vai deixando un ronsel

de ouro, de incenso..., mirra!,

e os anxos tecen nel

un canto de esperanza,

gabanza do Emmanuel

-Mesías, “Deus-connosco”-,

que acaba de nacer.


   Cando a Belén cheguemos,

habémoslle ofrecer

os prezados tesouros

reforzados coa fe.


   Anxeliños, cantade:

                                                 -Amén!
                                                                -Amén!
                                                                              -Amén..!



                       (Rioderradeiro)



(Foto Quin Muros Negreira)