En canto arribara Antón…

(Foto.- Quin Muros Negreira)

  Limpa palabra por loa,

en canto arribara Antón...

  e se amosara en persoa,

en verso libre, el entoa

o SON GALEGO, que é don

do Mar de Prata; abenzoa

co lume do corazón;

con cada palabra ecoa

e, polo tanto, coroa

de BREOGÁN, dá razón

de sermos patria arestora,

testemuños da traizón

-nós na trincheira-, intrusión

por contumacia invasora

que vilipendia o tesón

e aos desleigados devora.

  Limpa palabra por loa,

en canto arribara Antón…,

  Alba de Gloria, e coroa.

(Rioderradeiro)

(Foto.- Quin Muros Negreira)

COVA, escena de sofá.

  Pasa follas -¡que máis dá!,

pon parella ou camarilla

para o DON JUAN de Zorrilla,

que lle acae de perilla:

  dous convidados de pedra

escoitando a Caridá,

ao Conselleiro -¡olalá!-

baixo o chuvasco que medra;

  COVA, escena do sofá,

remate ao toque de queda,

repenique ao bla-bla-blá,

que oPPortunismo embebeda.

(Rioderradeiro)

Ir de pesca ao punto “ghe”.

  

  Non me preguntes por qué,

contumacia en teimosía

-descartado o paripé-

é, se cadra, hiperdulía,

decotío, idolatría

ir de pesca ao punto “ghe”.

(Rioderradeiro)

Á fotocopia do espello.

Santiago Caamaño Martinez.- " Non me esperaba que chegara esto ata aquí,

pero moitas grazas "

  Mira Narciso de esguello,

brinda o pecado mortal

de mancebo orixinal

á fotocopia do espello.

  Os argumentos da gloria,

por relixión, resgardados;

abecedario da euforia

significando victoria,

a cara e cu retratados.

(Rioderradeiro)

Adobados en saliva.

 Manuel Mayo Priegue.- " ¡Que pais!, para facer unha obra pública medianamente 
ben hai que facela tres veces, e pagala catro."

  O Conselleiro en chaleco,

Rexedora reflexiva

baixo paraugas; sen iva,

tantas promesas en seco
multiplicadas por eco,

adobadas en saliva.

(Rioderradeiro)