Do imaxinario amatorio.

(Escultura de Auguste Rodin, en la Ny Carlsberg Glyptotek)

  
  Son soños de mocidade

impresos, tras dura escolla,

nun libro de duna e folla

partido pola metade?

  Que bico mellor pintado,

para apurar apetito,

sobre outros beizos cabrito

a pé de boca plantado?

  Franco festín, perentorio,

conforme escultor propuxo,

contorsionista de buxo

debruza no promisorio:

  Entrarlle a saco ao aturuxo

do imaxinario amatorio.

  (Rioderradeiro)

Despecha a porta pechada.

 
  Ceibos, coma figo aberto,

os labios en labarada;

o bico bravo, liberto,

verque, volcán descuberto,

despecha a porta pechada.

   (Rioderradeiro)

¡que ben se expresa cos pés..!

  Tén un amigo finés,

outro sudamericano;

co primeiro fala inglés,

co segundo sudanés

e tamén sudafricano;

parlamenta en occitano

trufado de portugués

cun esmolante maltés

primo dun napolitano;

¡que ben se expresa cos pés

en divino “castellano”…

galiciano!

  El reserva o seu chinés

para o norteamericano.

(Rioderradeiro)

Devólvelle o seu papel,

(http://lapollaenverso.blogspot.com.es/)

 Se subastas esa polla
de verso abrupto, algo solto,
-que un fondo abutre a recolla!-,
queda o poema revolto
como caída de folla.

  Non auguro comprador
para cigarro, ou ladilla;
quizais asilo en boquilla
dun adicto fumador
pendente dunha "colilla".

  Retira xa o teu cartel;
por favor, recapacita;
pensa que o SE VENDE irrita;

  devólvelle o seu papel
de consumar sen cuartel
á polla, que o necesita.

   (Rioderradeiro)

Do Capitán Alatriste.

 (Wikipedia)

   

  Un glorioso capitán

e Patricio Lacazán,

retornado coma indiano,

só recibiu por galano

medalla de fibrapán.

Preservoulla D´Artañán

nun cartafol de secaño.

  Argonauta de pantano,

mareante con alpiste,

tomando en serio algún chiste

inspiración do dïaño,

de espadachín se reviste,

bravo aceiro toledano,

o Capitán Alatriste.

  O Capitán Alatriste,
emulación de Quijano
-xamais vulgar partisano-,
exhalación daquel quiste
onde O Goteira persiste,
coma Fidalgo de antano,
flatulento puritano:

  De cheiro se calza..., e viste.

    (Rioderradeiro)

(Wikipedia)