"Señor, señor,
este ghalo quer pór."
(Manuel da Balaia)
Non insulta un Descosido,
pois non, non pode insultar
quen escribe sen pensar,
porque lle falta o sentido;
só lle cabe esbardallar,
falando máis do debido.
Se o malpocado pensase
canto ao contado escribiu
e na mente concibiu
con ocurrente desfase,
non creo que o disparase
completo polo maxín,
a non ser que o reforzase
con credo de calcetín
para que o cheiro empurrase
en pé quebrado adoquín.
Se este capón recordase,
outro galo lle cantase
-faise duro supoñer-,
botando a lingua a pacer
no poleiro ao comprender
que ovo a piques de poñer
pola boca non lle pase;
logo, a palabra acompase
apuntando o seu poder
onde intestino o repase.
(Rioderradeiro)
