POLO TOURAL DE COSTUME.

  Presumen do que non saben,

saben ben do mal que asumen:

fumando en pipa ao desmadre,

desglobalizando estrume,

desatan as leis do lume,

xogan dominó con fume,

branquean as leis da fame.



  Coma cabestros discurren,

coma cabestros distraen,

e á voz dun xo! ou dun arre!,

polo toural de costume,

ser / viles, puro batume,

serviciais para quen pague,


réptiles, zurro por sangue.


  (Rioderradeiro)
.

CONSUMIDOR DE VASOIRA.

NERÓN desvela o arcano

Daquel ouro de Moscú:

Rompe misterio enconado

Tan traído e tan levado

No trafegar do meigallo

Polas FRANQUICIAS do cu.



Quen malgastou nesa roña

O capital da memoria

Da disputa a contra luz

Merece o baldón da historia.

Por se liberar do pus,

Déixese, NERÓN, de coñas.



Agasállase co plus

Consumidor de vasoira.

18/09/08

CANDO REMATA O VERÁN.

Lucindo traxe de Adán,

A Mirandiana asemblea

Na piscina sobrancea,

Sobre folla de afeitar,

Un centrismo liberal

De corte sacramental

Que parte o cu da marea

Pola base principal

Onde defeca a culebra,

O pato, o gato e o can

Liquidados nunha tenda

Ao rematar o verán.

NO FRASCO DA MORALINA.

___

Goberna o leite callado

A mirada pitufina:

LÁPIZ pitufea ananos

Por acenos concertados

Coa grei da pitufanía.



Na carpeta de traballo,

Cartaz de cidadanía,

SALAS, por ben educado,

Para INEMar aos parados

Deseña humor de ardentía:



Sempre a viñeta envasando

No frasco da moralina…

LÁPIZ PARAFUSO.

Impertinente, o cabuxo

Desvira o ronsel do outono:

Por mor do SALAS cotorro

Secuaz da garrulería,

Ferinte, de parafuso,

Corre un cheiro a felonía.


Este camorrista en cromos,

Este LÁPIZ furabolos

Parafúsalle os miolos

Á carcoma e á polilla.
___________