Plantaran lume... ata ao mar.

 

  Bombeiro bota a voar,

elevando destramente

un “canadier” dependente

dunha cana de pescar.

  Nave cisterna, no ar,
verte do ventre semente;

do feito, seguidamente,

rompe, chuvasco, a chorar.

  Viñera vento soprar
nunha faísca inocente
que, chamizo impertinente,
dera en dardo, en perpetrar...

  Mil lapas desenfreadas,
fauna e flora desoladas;
-combustible-comburente-
piromancia secular...

  Só conciencias deturpadas,
só demencias desatadas,
na Galiza, tan paciente,
plantaran lume... ata ao mar.

          (Rioderradeiro)

decote en Pedriña Alta!

Sobor  da mesa, mantel

en Serres, onde Barral

montara a monumental

que  foi torre de Babel…

¡Viva Albariño, Condal,

nobre Ribeiro sen falta!

¡Viva a sardiña que salta

da brasa á boca en mortal!

¡Viva o menú  señorial

que en poucos euros resalta!

¡Viva ese trato cordial

decote en Pedriña Alta!

(Rioderradeiro)

Da folla á calcomanía

Verde, ben se pode ver,

planta botada a perder;

con esta fotografía

resaltas mercadoría

-mazaroca ao parecer-

que o bo senso ha de esconder,

pois a moral debe ter

con candado a plusvalía,

non poxar a regalía,

non propalar puntería

nin disparar a pracer;

porque produce ardentía

e propaga  padecer

no manacial do querer;

porque causa unha avaría

desleigado acometer,

debruzante fantasía,

-o pé de millo ao poder!-;
anda recibo en deber
da folla á calcomanía.


Machismo de porcaría,
pola cara, malmeter.

(Rioderradeiro)

e rexistrado na Lúa.

Como astronauta flutúa:

Por mor da présa ou do estrés,

plantou bandeira ao revés

e na bandeira puntúa

que é de Muros, como ves,

que está versado no inglés,

e rexistrado na Lúa.

(Rioderradeiro)

Da homilía PParroquial.

Devora en folla mundial

Esperanza relatorio,

o Rajoy orixinal

tira da barba-envoltorio

o plumeiro ou rePPertorio

da homilía PParroquial.

(Rioderradeiro)