E que envilece sentidos.

  

  A boca escraviza aos homes:
cega, avaría individuos,
encadea aos oprimidos;

a corrupción ten mil nomes…

  Ten milleiros de pronomes,
multiplica os apelidos,
subdivide arrepentidos,

tómelos por onde os tomes…

  Para o favor preferidos,

eis refrendar malparidos,

eis refrear reprimidos...:

  Un mendigar canto comes,

un maltragar que consomes,

e que envilece os sentidos.

      (Rioderradeiro)

No son da gaita cen velas.

  Combinación dos sonidos,

mozas e mozos trovando;

gaitas, pandeiros tocando,

degustación dos sentidos.

  Eles, gaiteiros curtidos,

co punteiro a rebuldar;

elas, convén realzar,

co tambor pasos contidos.

  LONGARELAs, XIMIELAs…,

de Louro tiñan que ser:

meniños, xoves, doncelas…

  Esperanza, e sen cancelas,

na vila a reverdecer;

que os de Muros queren ver

  no son da gaita cen velas.

                     
                                    (Rioderradeiro)

Co devalar das mareas.

Nieves Formoso Vidal : "Primeira andaina deste ano e primeira foto para todos vós.
 Boas noites."

Adiviño pola estampa

Baño, rebaño, e bateas;

amosa a Virxe as areas

da praia; pois sempre campa

Co devalar das mareas.

(Rioderradeiro)

De días ben cabalgados.

Faltan minutos contados

para pór TRECE agoreiro;

o DOCE esgota tinteiro

cos nomes dos aldraxados.

¡Veña o TRECE cabaleiro

de días ben cabalgados!

(Rioderradeiro)

Que a rede atrape o trebello.

Toda esta vida a artellar

-Tea do mesmo tear-

Tece-destece enguedello:

Aninovo-anivello;

E logo volta a tentar

Que a rede atrape o  trebello.

(Rioderradeiro)