Co devalar das mareas.

Nieves Formoso Vidal : "Primeira andaina deste ano e primeira foto para todos vós.
 Boas noites."

Adiviño pola estampa

Baño, rebaño, e bateas;

amosa a Virxe as areas

da praia; pois sempre campa

Co devalar das mareas.

(Rioderradeiro)

De días ben cabalgados.

Faltan minutos contados

para pór TRECE agoreiro;

o DOCE esgota tinteiro

cos nomes dos aldraxados.

¡Veña o TRECE cabaleiro

de días ben cabalgados!

(Rioderradeiro)

Que a rede atrape o trebello.

Toda esta vida a artellar

-Tea do mesmo tear-

Tece-destece enguedello:

Aninovo-anivello;

E logo volta a tentar

Que a rede atrape o  trebello.

(Rioderradeiro)

Tocando a súa gaitiña.

(Manuel Rico Verea)

RICO, cando este ano naza

E colla carreira axiña,

Pola VEREA irá en liña,

Libre de toda desgraza,

Tocando a súa gaitiña.

(Rioderradeiro)

(http://www.seivane.es/ga/documentacion/index2.html)

Polos seus cinco sentidos.

  A lei da saga remarca

puro perfil, alma ardente;

pois abandeira o que abarca,

fortalece, é referente.

  Desde que na vida embarca,

emprende abrupta aventura

particular; colle a marca

que encarreira a singradura.

  Repasando anos cumpridos

de mareante sen pero,

sofre castigo severo:

  ROURANELA abre os oídos,
reverdece os tempos idos
e dispara o desespero...

  Do MANUEL SILVA sincero

polos seus cinco sentidos.

   
           (Rioderradeiro)