Nas camisetas: I LOVE …

(I LOVE MUROS)

Hai beleza en valentía,

Toman punteiros por frautas,

Entran a escote tan cautas

Respetando a melodía;

Con destreza e teimosía,

Seguindo tódalas pautas,

As mozas tocando gaitas

Devotas da romaría.

Gaiteiras, ¡que garantía!;

Propaganda para MUROS,

Disfrazados de astronautas

En inglés, porque son puros,

Gordechos, os tres piratas

“Recauchutados Renove”

Con franquicia de seguros

Nas camisetas: I LOVE …

(Rioderradeiro)

(I LOVE MUROS)

Nunha gloria a grande altura.

"Onde hai cruceiro houbo pecado." (Castelao).

  Apóstolos, padroeiros,

mártires ben valorosos,

menciñeiros milagrosos,

Santos Cristos dos cruceiros…

  Canteiros de Pontevedra,

do punteiro ao poderío,

do talento ao atavío,

piedade a pico na pedra.

  A rocha acolle feitura

persoal de cadaquén,

dalle á imaxe canto ten:

  Pedestal, digna postura,

faciana, fala, e fondura

aos ollos cos que se ven...


  Francamente, unha fartura:

beatos que son refén

dunha gloria a grande altura,


"Per ... saeculorum", amén!


       (Rioderradeiro)

Que a fouce, ao fiado, cita.

  En pía de cristianar

a flor florece bendita

e “ipso facto”, xa marchita,

do fondo do seu pesar,

vella forma de pensar

que por forza resucita

para tornar, expedita,

a entristecer..., perturbar,

como en maceta, maldita,

emparedado implantar.

 

  Corta a folla de afeitar..!

A lei do tempo suscita

cerco e caza ao calcañar: 

unha linda margarita,

e ao pé do olor deposita 

duro aceiro, de fiar,

e unha roda de amolar

que a fouce, ao fiado, cita.

        (Rioderradeiro)

De irredento cabreado.

Añadir leyenda

  Como recobro as razóns

da proba cargada en fun

“cogito (máis) ergo sum”,

descartando as ilusións?

 

  Por que lle apunto a quen son

as cousas que nunca quixen?;

por que esas sombras me aflixen,

enloitando o corazón?

 

  De volta, en camiño andado,

a cegas, por apalpado,

quen non soubo acometer

 

  A vida como pracer,

polo vieiro apropiado,

é  incapaz de comprender 

  Diferente  proceder 

de irredento cabreado.

   (Rioderradeiro)

Añadir leyenda

Noutro caderno rival.

  Por un detalle insultante

servidor dunha malicia,

apodérase avaricia

do corazón arrogante.

  Basta na vida un instante

para corromper caricia,

tórnase ao punto estulticia,

porque aparenta importante.

  Simple detalle final:

do caderno orixinal,

contracorrente sacando,

  As horas vanse adaptando

con tintes de carnaval,

decontino ilas copiando...

  Noutro caderno rival.

           (Rioderradeiro)