Cargado de acontecer.

  Ai!, na cara, o mar da risa,

ai!, na estrofa en pé quebrado,

corazón desabrochado

polo botón da sonrisa.

  Ai! do si e mais do non,

ai! do teu soño dourado

polo peloxo encoirado

a proscribir a ilusión.

  Ai!, que apreta tempo frío,

ai!, que desborda acotío

o baleiro do esquecer,

  Ai!, canto costa aprender,

ai!, navegar sen navío,
desnortado en mar bravío,

  Cargado de acontecer.

                    (Riderradeiro)

De campaña en corpo esquivo.

Neste altar onde te miro

Debruza o meu pensamento

Para lle dar fundamento

Ao mirar co que te admiro.

Recobra alento o suspiro

Que me serviu de alimento

E rescato o sentimento

Da sensación do respiro.

Na pura fe redivivo,

Para mellor desexarte,

Tributo ao teu baluarte;

Por quedar libre e cativo,

Regando a rosa obsesivo,

Devezo por abrazarte;

Coutar ardor nun ser vivo

É servir baixo estandarte

De campaña en corpo esquivo.

 (Riderradeiro)

goza o teu soño indixesto..!

  A razón de non querer

pasar pola túa porta

só me atixe e non che importa

se a prefiro padecer.

  Pois son quen de apetecer

namoramento sufrido,

linda causa é, reprimido,

privarlle á sede beber.

  Brindes ao sol, sendo honesto,

escribín no manifesto

que tire a mesa o mantel,

  Que lisque a lúa o seu mel

ben na gaiola, ou nun cesto,

no faiado poñer presto;

  Xa apostrofei no papel:

-Malpocado Caravel,

goza o teu soño indixesto..!

                         (Riderradeiro)

Ti triunfarás, linda estrela

  Onde estás ti todo é festa:

Quixo Deus, que ama a valía

e a malgastar non se apresta,

multiplicarche alegría.

  Quizá, por fin, risa honesta,

en vendo a túa harmonía

como de fada en floresta,

floreza en min algún día.

  Se cadra porque babexo

cos ollos con que te vexo,

non podo verte máis bela;

  Son o máis fiel centinela

para afastares perigo,

e sempre da man, testigo,

Ti triunfarás, linda estrela,

e o meu corazón…, contigo.

(Rioderradeiro)

De Adán, no Edén, cociñeiro.

Sestea o serán no azul,
Mais, como remata todo,
Traspasa a espada ese apodo,
Corpo servido..., e gandul.

Andan dicindo, papá,

Polos rueiros contando

Que o demo vai propagando

Conversación con mamá

Cando o limón foi, pecando,

Reconvertido en mazá. 

Prospecto do limoeiro

Pendurado dun cordón,

Noutra póla, retranqueiro,

Triplica interpretación

E reforza a confesión

Do cítrico verdadeiro

Que folla, por tentadeiro,

Como de/mostra o botón,

Preso en trama o tropezón

Compracente aventureiro

Ver/decente en corazón,
Orixina pracenteiro

Un pecado vinculeiro:

Puxou fervente o limón

Na maceira en conversión

De Adán, no Edén, cociñeiro.

Chouta Adela e chanta Aimar,

Tamén chouta Micaela,
Coma o limón que ao chantar,

Chouta no leito unha estrela,

Micidade a rebuldar:

¡Árdelle o eixo! ¡Can/dela…!





Sestea o serán no azul,
Mais, como remata todo,
Traspasa a espada ese apodo,
Corpo servido..., e gandul.

(Rioderradeiro)