Porque os meus ollos, teus ollos,

  Que a meniña dos meus ollos

peche os meus ollos un día;

que os meus ollos nos seus ollos

contemplen a luz, meniña.

  Porque os meus ollos, teus ollos,

ollos teus, meus ollos, linda…

 
       (Rioderradeiro)

Savia que fixo fada

*

**

***

Lonxe de envilecer a voz

co lixo das palabras…,

sangue que fixo flor,

savia que fixo fada,

por TI,

por min,

por NÓS,

nosa nai, nosa casa,

só cabe, insobornable, a dor

na linguaxe das almas.

***

**

*

 (Rioderradeiro)

PAIXÓN FREUDIANA.

(Desde MonteLouro, praia de San Francisco)



Se freudiano é o escribir


Versificando esta dor,


Que beneficio maior


Que aprehenderte..., revivir:


Ser teu no meu corazón.


*****


Son amante de servir


As espiñas do amor


Coas rosas do compartir:


No gozar e no sufrir,


Fermenta a miña paixón.

Esta NAI.

*

  Se buscas a palabra, di nai;

di nai,¡nai!, a palabra máis limpa…


O meu corazón debuxa a imaxe
e os meus labios pronuncian:

-María!



**


  Se bucas a palabra, di amor;

di amor, ¡amor!, que sabe a risas.


  O meu corazón debuxa a imaxe
e os meus labios repiten:

-María!



***



  Se buscas a palabra di sempre;

di sempre, ¡sempre!, este amor, naiciña.


  O meu corazón debuxa a imaxe
e os meus labios reflicten:

-María!



****


  Os meus labios pronuncian,

os meus labios repiten,

os meus labios reflicten

o que o corazón dicta:

-María..!

enceFALOgrama,

na Carretera do Faro (Louro).