POLO VIAL INTESTINO.

Impertinente subido,

Impertinente probado,

Sempre de si namorado,

Sempre de si posuído;

Cando houber frechas, Cupido,

Arco, carcás, asubío

-Polo mes e polo ano-,

Arestora o rechouchío

Que percura o seu tellado

Polo vial intestino.

__________________

ANTESALAS DOS INFERNOS.

Ofensores ofendidos,

Laghartos e lagharteiros,

Libertarios libertinos,

Reprimentes reprimidos…

Filólogos filomenos,

Astrinxentes estriñidos,

Embaixadores plumeiro,

A brava flor dos sentidos,

Unha fouce, ¡o albedrío!,

“ELeSeDe” para ceghos,

Un Lápiz luciferino,

AnteSalas nos infernos.

___________________

POR CAPULLO.

Que te pinte un xirasol

Este capullo endeusado

Non creo que o malpocado

Saiba moi ben que pintou.

Se por ventura ou error

Tirar proveito ao pecado,

Que o xirasol enxertado

Deveña no seu baldón,

Que o reprenda o corazón

Por capullo e por capado.

____________________

TRAUMATISMO EN GALEGO.

Políglota, plurilingüe,

Deslinguado fantasmal;

De Alemaña ao Portugal,

Ningún cantar lle resiste:

O mesmo se calza e viste

No italiano coloquial,

Que o remata, ao natural,

Un si bemol, lingua en ristre.



Sabe latín, fala grego,

Saborea un bo francés;

Pode contar do revés

No lingala indoeuropeo,

No bretón, no mirandés…


¡POBRE NENO!,

Traumatizouse en galego...

POR MILITAR FEMINISTA.

Por catalana e ministra,

Por ministra e por muller,

Polo aquel “separatista”,

Por antimilitarista,

Por “ministrar” o “tropel”…



Por preñada e socialista,

Por marca de ZetaPé,

Por delgada e porque é “lista”,

Por non “molar” no PePé,

Por “profanar” o cuartel,

Porque saíu na revista,

Por militar feminista,

Polas ganas de... poder.

____________________