POR MALVERSAR A PALABRA.

Entre a mecha e a gravata,

Disque lle presta ao salón

Un foguete pra sazón:

Mediando no cala - fala,

Aliñou LÁPIZ ración,

Salpementando o colchón

De anestesiar o nirvana

-¡Pobre SALAS..! -

Coas armas da destrucción,

Por malversar a palabra…

__________________

REVESTIDOR DE FACHADAS.

Había en Ferrol un SALAS,

Debuxante de receitas

LÁPIZferoz da ledicia,

SALpementador da risa

Co prebe da caldeirada

E un calcetín pra aliñala…



Gran servidor de enSALAdaS,

En menos de tres viñetas,

Tres mil millóns de etiquetas,

Resumía en tricolada

MestreSALAS cuchufletas,

Revestidor de FACHAdas

FLOR E NATA DOS MARISCOS.

SALAS de monocultivo,

LÁPIZ-Feroz tatabexo;

No desandar circunflexo,

Queimacasas Cutrefino…



Das eleccións, adiviño,

“¡Fodembro!”- dixo o *odido

Pintor que emula ao cangrexo

Flor e nata dos mariscos…



“Fodembro” éche ese membro

Que vos *ode dos Quintanas, do Touriños...

CADELO CORREDOR.

Canta o XITANO Zumbón


Esa guaracha atrevida…


Coas aletas de charol,


Disque segue ao trovador


No acuario da cociña,


Porque, na braza e no crol,



Fixo de lebre a NERÓN


Coma o cebo fai de guía


Ao cadelo corredor

Con fame de moitos días.

______________________

CRONISTA DO CORAZÓN.

Esmola por San Antón,
Polas ánimas benditas;
Por Mondoñedo, un doblón;
Por Cunqueiro, dous mil vivas…


Pola “centrista” afección
Dun Lápiz en SALAzón:
Polo Luis activista,
Pola Guapa e por Ucina,
Por que lles cure o xamón
No rebaixe da petrina…


Pola Santa Inquisición,
Por Ttimo que nunca tima,
Polas prosas de Nerón,
Un pincel de tinta china,
Polos vieiros da alquimia,
Cronista do corazón.