SALAS DA PUÑETA.

Tres patas non fan banqueta

Se o Lápiz non a procura:

Pino branco por montura,

Casamento na estructura

Que ás cachas ben complementa:

Un Salas de treixadura

-Pisca de sal e pementa-

Pola singular dozura,

Entre febres e arrepíos,

Do viño que os cus fermentan

Nesas cubas de Albariños,

Ao son das gaitas grileiras,

Onde bailan señoríos:

Imper, Neróns, Lelos…,¡ festas!

¡Como mola o festeirío

Do Salas-Lápiz-viñeta

Da puñeta..!

ONDE MORRE O PEIDORRILLO.

Era unha voz trepidante,

Era un eructo tonante

Era un lóstrego arrogante,

Arrogante e presumido,

Un torpedo consentido,

Libertario, libertino…,

Un pedrón como un diamante,

Palpitante, medio vivo,

Esmorecente ao instante,

Repelente, repelido

Polo secreto escondido

Onde o ar perde o sentido,

Onde a marea é mallante,

Onde morre o "Peidorrillo"…

___________________

¡á cadea!

Urbanistas a mans cheas:

Constructores apañados,

Libres de innobres pecados

Da corrupción e dos pagos

En negro, que é cousa fea,

Á cadea.



Cando se preste a ocasión,

Urbanistas sibilinos,

Serviciais, caritativos,

De misa e de comuñón,

De moita xenuflexión,

Moi cumpridos …



Ante o Crego barrigón,

Ante o alcalde ladrón,

Ante o xuíz de cartón

Ante tododeus bendito,

Señoritos.

___________________

...¿pola santa inquisición?

¿Será pato ou lumbrigante,

Ou tal vez unha langosta

-Acuicultura da costa-,

O retrato rechamante

Que, ao mandar pechar a boca,

No seu falar se equivoca

De bocado e de talante

-Malos augurios da pota-?



¿Serán palabras ben/ditas

Por quen foi altar Maior,

Por San Gil, dona María,

Pola túa e pola miña,

Pola Santa Autonomía,

Polo hamletiano Rajoy,

Pola Santa Inquisición,

Pola COPE ou pola Biblia?

________________

AS LEITEIRAS DE FERROL.

Por activa e por pasiva,

Reseña o LápizFeroz,

No Solar Salas-Ruína,

Cinco viñetas tecidas

No tear da indixestión:



Man mercenaria cumprida

-Lelo-Luis-Imper-Nerón-,

Esa panda estrelecida

Coa marca liberticida

Das leiteiras de Ferrol.

__________________