quarta-feira, 13 de maio de 2020

A base de fantasía.

3 L'Arbre de Vie, un concentré du Cosmos Vivant | BLOGOSTELLE ...
(Wikipedia)

  A serpe.- "... É que Deus sabe ben que o día en que comades dela, hánsevos abrir os ollos e seredes coma Deus, sabedores do ben e do mal..." (Xénesis, 3, 18)



  Omnisciente Satanás
-escenario da palestra-,
de esguello, desde a fiestra,
catando adiante e atrás.

  Baixa en reptil, maquillado,
na procura da muller,
inocente en comprentender 
que ese reptante é malvado.

  Doce veleno, en maná,
brinda a culebra en mazá,
aquel manxar prohibido;
comunga Eva co marido
a ofrenda que o demo dá:

  Froito foi saber que había
no mundo dor e miseria
e un bocadiño de leria
para endozar a estadía
a base de fantasía.

  (Rioderradeiro)


C'était mieux avant : l'illusion du paradis perdu.
(Wikipedia)

quarta-feira, 6 de maio de 2020

Con lazos de primavera.

LIBRO DE ANDRE BRETON - L'amour fou 1937 (dedicated to Jacqueline ...
(Wikipedia)
                                               "Cuánto gozo a la flor deja
                                                               preciosamente la abeja".
                                                                  (Jorge Guillén)
               
  
 Como amansar a pantera
perpetradora  de agravios!?;
como amarrarme aos teus labios
con lazos de primavera!?

  Con lazos de primavera,

libre de fardel medoño,
livián nas alas do soño
que anxo do soñar prendera. 

  Que anxo do soñar prendera

adival de nobre abrazo
adestrado en novo trazo
que o corazón aprendera.

  Que o corazón aprendera

a latir máis lealmente,
a sentir máis xentilmente
cando a pulsión desespera:

  Ben amansada a pantera

perpetradora  de agravios;
ben amarrado aos teus labios
con lazos de primavera.

  (Rioderradeiro)

Mujeres surrealistas: maravilloso amor loco – Ruleta Rusa
(Wikipedia)

sábado, 2 de maio de 2020

Cataratas!, pastorela,

 La brasileña Elisany Silva es considerada la joven más alta del mundo, mide unos 2.1 metros de estatura, así que casi todas las personas est...

("Elisany Silva, la joven más alta del mundo paseando con su novio...  )



  Dous metros ben empregados
en paisaxe corporal;
os membros coordinados
coa paraxe capital.

  Silva!, que é Silva apelido
florecente -é natural!-,
transplantado e recollido
en bikini -é virxinal!


 Ergueita, coma gacela,
desfila por pasarela
co seu moneco da man ...,

   ben garboso este galán,
riquiño!, grácil doncela,
porque a paixón puxo nela...

  cataratas!, pastorela,
en cantiga de refrán.

  (Rioderradeiro)

Tall Elisany and tiny boyfriend by lowerrider Chicas Altas, Moda Para Chicas Con Curvas, Chica Con Curvas, Rarezas Humanas, Fotos Divertidas Para Whatsapp, Hombre Mujer, Retratos, Personas, Hombres


sábado, 28 de março de 2020

CORONAVIRUS -canseira!-

Los mejores memes que deja el coronavirus

  
  Na trincheira do balcón,
resistente ante epidemia,
pasos pautados, pandemia
purgada en bandoneón.

  De noite, catre a carón
da fiestra, onda soleira;
a destra na faldriqueira,
a zurda na contrición.

    
               **

  Sicario, este camaleón
disfrazado en catarreira,
actúa de tal maneira,
que enfebrece o teu colchón,
que dispara o seu ferrón
sen reparar na fronteira,
no salario, na pensión,
na idade, na condición,
na ceifa, na sementeira,
na meta da túa carreira...

   
  No tocante ao corazón,
reclama a contribución;
CORONAVIRUS -canseira!-
mete man na túa carteira.


               ***


  Na trincheira do balcón,
resistente ante epidemia,
pasos pautados, pandemia
purgada en bandoneón.

  De noite, catre a carón
da fiestra, onda soleira;
a destra na faldriqueira,
a zurda na contrición.
 



                 ****

  O tango, que é fanfarrón,
ofrece máis pulpo á feira.


             (Rioderradeiro)


La cuarentena dispara la imaginación: Los memes del coronavirus ...

quinta-feira, 26 de março de 2020

Ser forma..., e ferramenta.

Resultado de imaxes para: toulouse lautrec
(Wikipedia, Toulouse-Lautrec)


  Óllame cos teus ollos
de ardorosa pementa; 
ofrenda, eses teus beizos,
deliciosa tormenta.

  Bícame cos teus bicos
saborosos a menta;
convoca a miña boca
á túa, que me alenta.

  Líbrense decontino
da mirada indiscreta;
xúnganse as nosas almas
en xuntanza perpetua.

  Profunda aperta finte
afán que se fomenta:
ser flama fulgurante,
ser forma..., e ferramenta.


  E a beber bebedizos
ateigados de absenta.


  (Rioderradeiro)

Resultado de imaxes para: toulouse lautrec